相信年鸡年来临之际

最多朋友关心嘅当然係来年运势啦

所以小编搵咗司徒法正师傅

版年鸡年十二生肖运程

希望帮到大家喺鸡年催吉避凶

鼠

事业

受到太岁影响，工作会唔多顺利，但係好在有贵人相助，令到小人影响都唔算好严重。想要做生意搵合作伙伴嘅朋友，搵女性比男性更有助事业发展噢~

打工仔喺鸡年只要安守做好自己嘅工作，想要平稳度过呢一年都唔係无可能。

财运

受到太岁影响，今年财运上会有破财之兆。可以係年初买自己中意嘅嘢或者做慈善，挡破财之灾。

投资方面，正所谓财不入急门，所以投资不宜过分急进，可以借助年长女性嘅经验提升财运。

但係有关钱财方面嘅嘢要多加小心，无论係亲朋好友定係工作伙伴都要数目分明。

爱情

虽然受到犯太岁嘅影响，但係属鼠嘅朋友今年仲有少少桃花运。遇到合适嘅对象互相了解，循序渐进发展一段稳定嘅关系会比较有利。单身鼠男如果见到时机成熟可以随时主动出击，必要时可以自己创造机会。单身鼠女可以通过女性长辈、朋友牵线，有较大机会遇到满意嘅对象。

拍紧拖或者结咗婚嘅朋友，要注意伴侣嘅健康。如果对方本身抵抗力差，就要提醒对方多做运动提高抵抗力。另外要注意生活细节上嘅问题，容易吵架。

健康

属鼠嘅朋友，鸡年要特别注意身体健康，会有比较多嘅小毛病。如果有旧患就更加要小心，喺行动同饮食方面都要十分注意，否则容易触动旧患，导致复发。另外今年要避免进行高危活动，否则容易有损伤。开车人士要注意路上交通情况，稍作不慎容易发生流血意外。可以喺年初进行捐血同洗牙化解。

开运技巧

想化解太岁嘅影响，可以请太岁灵符随身携带。亦都可以喺屋企流年（正西方）摆放全家和合灵符，有助家庭和睦。都可以摆鸳鸯，有助夫妻和睦。

▼

牛

事业

打工仔喺事业上会有突破性嘅发展。虽然会有阻碍，但都有贵人相助。如果係任职警队、消防以及海关等纪律部队嘅朋友，可以积极进修或者报考升级试，主动争取表现。

做生意嘅朋友如果想搬写字楼、工厂或者开拓海外市场嘅话，要三思。可以问有经验嘅前辈，分析计划可唔可行再行下一步。

财运

今年财运同工作会成正比，工作虽然辛苦，但係多劳多得。特别係做生意嘅朋友，凡事亲力亲为，会发展得唔错而且钱都会袋袋平安。但係要留意客户嘅财*状况、信誉度，尽量避免赊数。

投资方面需要稳健保守，选择长线投资，会有唔错嘅增长。千奇唔好因为贪钱而铤而走险，否则会惹上官非。

爱情

属牛嘅朋友会将过多嘅注意力投入到工作上，所以恋爱运上只可以讲平稳。单身嘅朋友如果追求一见钟情，今年会比较难实现。反而可以留意身边嘅朋友同事，试下由朋友开始发展，慢慢升华到爱情。

拍紧拖嘅朋友，要用心处理同双方屋企人相处嘅问题，可能会比较难融入对方家庭。而结咗婚嘅就要坦诚相处，唔係会容易出现误会。

健康

容易出现精神紧张，影响睡眠质量。建议合理分配作息时间，多做运动。如果允许可以去个短线旅游。

饮食上要注意避免油炸食物，否则会引发肠胃、皮肤等问题。

开运技巧

可以喺屋企流年（中宫）摆放粉晶水晶球，提升人缘，防小人。都可以喺正北方摆放聚财貔貅，化解破财之灾。

▼

虎

事业

事业运有明显提升。尤其对从事文书或创作嘅人最有利，发展机会比往年多，容易得到上司赏识。但係唔好因为工作忙碌而影响健康。

做生意嘅朋友会有好多机会，会得到贵人帮助，发展得唔错。但要注意公司人员变动，做好对策预防影响公司正常运作。

财运

正财和横财都有收获。打工仔容易得到老板赏识，所以赚钱嘅机会都多咗。从事中介、公关嘅朋友，不仅旧客会对你大力支持，都会主动介绍新客人比你。

虽然今年财运唔差，但係容易有较多开支，要制定好理财计划。投资不宜太过急进，否则会破财。

爱情

感情运一般，无桃花星眷顾，但都唔算差。单身嘅朋友会有机会遇到心仪对象，可以通过朋友介绍，都有可能係工作场合或者人地嘅婚宴现场识到。

已婚或者拍紧拖嘅朋友要注意同对方嘅相处方式，会用争吵嘅情况，不过会有“和事佬”出面解决。

健康

今年要注意流行疾病嘅预防，特别转季嘅时候。容易感染传染病，不过唔洗太担心，都係小病小痛。

得到吉星庇佑，之前如果有失眠嘅情况会得到改善。个人情绪、精神都比较好。

但係饮食要节制，唔好因为体重原因引发其他身体问题。

开运技巧

可以喺屋企正北方摆放招财童子，有助财运亨通。都可以喺西北方摆放白水晶球，有助于提高家人嘅健康。

▼

兔

事业

工作压力较大，工作上无法发挥正常水平。打工仔可以主动争取出差或者调配其他地区嘅机会。属兔嘅朋友今年唔适宜转工跳槽。

做生意嘅朋友会收到无理客人嘅刁难，不过多一事不如少一事，尽量低调处理。

财运

今年财运低迷，而且有破财嘅情况。工作上要走嚟走去，忙碌先可以生财。做生意要认真计算成本，尽量开源节流，保证收支平衡。

投资方面唔好向高难度挑战，尽量选择中长线投资。博彩活动可免则免，否则损手离场居多。

爱情

今年桃花运一般，恐怕追求唔到轰轰烈烈嘅爱情。单身嘅朋友社交比较平淡，就算朋友介绍比你都无咩兴趣。

已婚或者拍紧拖嘅朋友，要好好维护感情，容易产生误会。另外，结咗婚嘅朋友注意同异性嘅相处，唔係嘅话容易被流言蜚语搞到周身麻烦。

健康

要注意交通安全，容易出现交通意外而受伤流血嘅情况。关节方面嘅健康都要小心注意，尤其膝头、腰骨以及脚眼容易受伤。

家具安全都要留心，刀具利器一定要放喺安全嘅地方，用嘅时候都要注意，容易发生血光之灾。

开运技巧

可喺屋企中宫摆放招贵人旺事业灵牌，有助于化解小人嘅加害促进人际关系和睦，有助于事业发展。都可以喺屋企西北方摆放银元，提升健康运。

▼

龙

事业

今年事业比较顺利，尤其从事行*工作嘅朋友。个人才华以及领导能力得以发挥，记得把握机会。

做生意嘅朋友如有扩大公司业务嘅计划，建议上半年应以整顿内部为首要工作。再决定以后发展。

财运

今年财运唔错，加上有贵人嘅帮助会有突破性嘅发展。打工仔会获得上司以及长辈提携，有望加人工。

投资方面会获得贵人嘅专业分析，只要唔好过分急进就有唔错嘅进账。但不宜为他人作担保借贷，以免一去无回头。

爱情

今年桃花运教为平稳。得到吉星降临，单身嘅朋友有机会通过朋友介绍识到心仪嘅对象，就算做唔到情侣，对方都会成为你嘅贵人。

已婚或者拍紧拖嘅朋友，由于今年事业运太过强劲，注意力都放晒係工作上，有可能无法兼顾感情生活。

健康

今年身体健康无咩大碍。唯独因为事业发展，今年会有比较多嘅应酬聚会参加，要注意饮食同充足嘅休息，可以定期进行身体检查。

小朋友方面会因天气变化有较多伤风感冒同喉咙唔舒服，建议做多啲运动加强免疫力。

▼

蛇

事业

属蛇嘅朋友鸡年工作运唔错，从事艺术、广告创作或者同音乐有关嘅行业都会有唔错嘅发展。不过容易与上司同事意见不合，导致情绪低落。

对于打工嘅朋友，今年团队精神以及合作性一般，小心得罪其他人，尤其女上司。

财运

做生意嘅朋友今年财运唔错，就会有新嘅发展方向同合作机会。建议工作上亲力亲为，用多啲时间分析市场走势，有望 同行搵多啲银。

偏财运唔算好旺，投资方面稳健保守为主，唔好轻易相信他人嘅小道消息。

爱情

会有孤芳自赏嘅独处时间。单身嘅朋友容易先入为主，就算识到新对象都觉得对方唔了解自己，不妨打开心结，主动迈出一步。

拍紧拖或者已婚嘅朋友建议可以多啲同另一半参加朋友聚会，增进感情。

健康

如果有牙痛建议尽快睇医生，都要少食湿热、煎炸食物，可以降低患病机会。

如果有养宠物嘅朋友要







































治疗白癜风有好办法么
白癜风图